प्रेम फेसन होइन
प्रेम फेसन होइन

"प्रेम' फैसन होइन"

लेखक - सबिता यादब 

२०७९ फागुण ६, महोत्तरी

आज 14 February को दिन धेरै युवायुवतीहरुले 'भ्यालेन्टाईन डे' अर्थात 'प्रेम दिवस' लाई एउटा पर्वको रूपमा मनाई रहेका छन्  तर यो पक्ष्चिमी संस्कृति हो, बिदेशी पर्व हो । अचेल हाम्रो देशमा पनि कुनैकुनै ठाउँमा यो दिनलाई 'प्रेम दिवस' को रूपमा मनाउन थालेका छन्  र यो दिवस मनाउने क्रममा युवायुतीहरु 'प्रेम'को नाम दिएर दुईचार दिनका लागि प्रेमको नाटक गर्छन् तर नाटकले कति दिन जिन्दगी चल्छ त ? नाटकको अन्त्य सगैं सम्बन्धको पनि अन्त्य हुन्छ र सम्बन्धको अन्त्य सगैं जीवन पनि नरक बन्न पुग्छ । त्यस कारण यो दुईचार दिनका लागि आधुनिकतामा रमाउने मनसाय राखेकाहरुमा यो सन्देश छ । प्रेमको कुनै दिवस हुँदैन । प्रेम सामाजिक हो, सास्कृतिक हो या परम्परागत हो यसै भन्न सक्दैन । यस्को इतिहास छ भने यस्का आफ्नै दायराहरु छन् होला । अनन्तहिन समय जस्तै छ भने प्रेमको ईतिहास छैन न त भविष्य नै हुन्छ । यो सधैं वर्तमान हुन्छ । यदि प्रेमलाइ समाज र इतिहासगं जोडेर हेर्ने हो भने यो त अप्राकृतिक र मानव निर्मित सत्य हो जो सत्यको समाजले आआफ्नो स्थानमा आफ्नो हितलाइ शिरोपरी गरेर परिभाषित गर्ने गर्छ । प्रेमले त हामीलाई एकअर्का संग जोडेर राख्न सक्ने वातावरण निर्माण गर्छन तर जुन प्रेमले हामीलाई समाजबाट अलग्याएर आफन्तहरुबाट छुट्टाएर टाढा बस्नलाई बाध्य बनाउछन् त्यो प्रेम कदापी प्रेम हुनै सक्दैन । त्यस् कारण प्रेम दिवस को नाममा एक दिनका लागि पर्वको रूपमा मनाउन सक्ने कुनै कारण छैन जस्तो मेरो बुझाई छ ।